दमक, २१ कार्तिक । गत भदौ २३ र २४ गते देशभर एकाएक भड्किएको आन्दोलनले राज्यका संरचनामा गम्भीर असर पु¥यायो। सरकारी कार्यालय, ऐतिहासिक भवन र सार्वजनिक सम्पत्तिमाथि भएको आगजनी र तोडफोडले देशको प्रशासनिक प्रणाली नै अस्थिर बनायो। यही क्रममा ऐतिहासिक सिंहदरबारदेखि स्थानीय तहका कार्यालयहरू समेत क्षतिग्रस्त भए।यस घटनाबाट दमक नगरपालिका पनि अछुतो रहन सकेन। ‘जेन्जी आन्दोलन’ को नाममा केही अराजक समूहले गरेको आगजनीका कारण दमक नगरपालिकाको प्रशासनिक भवन पूर्णरूपमा जलेर ध्वस्त भयो। कागजात, उपकरण र सार्वजनिक अभिलेख नष्ट भएपछि नगरपालिकाको प्रशासनिक र विकास गतिविधि तत्कालका लागि ठप्प बन्यो ।
नगरपालिका भवन जलेपछि दैनिक प्रशासनिक कार्य रोकिए। पूर्बाधार बिकास र निर्माण कार्य स्थगित भए। तत्कालीन अवस्थामा नगरको प्रमुख चुनौती नै कसरी सेवाप्रवाह निरन्तरता दिने्र? भन्ने बन्यो।
अब भने परिस्थिति क्रमशः सामान्य हुँदै गएको छ। जलेर नष्ट भएको प्रशासनिक भवनलाई अस्थायी रूपमा अर्को सरकारी भवनबाट सञ्चालन गर्दै नगरपालिका आफ्ना कार्यहरूलाई पुनःसञ्चालन गरिरहेको छ। नगरपालिकाको हालै सम्पन्न कार्यपालिका बैठकले आन्दोलनका कारण रोकिएका पूर्वाधार र विकासका सबै कामहरू पुनःसुरु गर्ने निर्णय गरेको छ। दमक नगरपालिका पूर्बाधार बिकास समिती संयोजक भीम प्रसाद पौडेलका अनुसार अघिल्लो वर्ष सुरु भएका केही योजनाहरूलाई निरन्तरता दिइएको छ भने नयाँ प्राथमिक परियोजनाहरू पनि तयार पारिँदै छन्।
यद्यपि नगरपालिकासँग हाल स्रोत सीमित छ। संघीय र प्रदेश सरकारबाट आउने बजेट अझ निश्चित नभएकाले योजनाहरूमा प्राथमिकता तोकिएको छ। नगरपालिकाले तत्काल अत्यावश्यक पूर्वाधारलाई पहिलो चरणमा अघि बढाउने नीति लिएको छ।
आन्दोलनले क्षति पु¥याएको दमक अहिले पुनःनिर्माण र पुनर्जागरणको यात्रामा अग्रसर छ। सीमित स्रोत र कठिन परिस्थितिका बाबजुद, नगरको नेतृत्वले विकासलाई गतिमा फर्काउने दृढता देखाएको छ । तर करौडौको क्षति र समिमित श्रोतका कारण बिकासका कामले गति पाउनेमा आशंका भने कामयमै छ ।
