दमक, २५ कार्तिक । सरकारले प्राचीन चिकित्सा पद्धतिलाई प्राथमिकता दिएर राष्ट्रिय कार्यक्रमको रूपमा ‘राष्ट्रिय स्वर्ण बिन्दु प्राशन’ कार्यक्रम सुरु गरेको छ । जस अन्तरगत झापाको कमल गाउपालिकामा रहेको प्रादेशिक आयुर्वेदिक अस्पतालले समेत निरन्तर यो कार्यक्रम सन्चालन गरिरहेको छ ।
कोशी प्रदेश सरकार अन्तरगतको यो अस्पतालले आफै स्वर्ण बिन्दु उत्पादन गरेर कार्यक्रम सन्चालन गर्दै आएको छ ।
बिगत ५ महिनादेखि निरन्तर सन्चाल भईरहेको यो कार्यक्रममा हरेक महिना नयाँ नयाँ बालबालिकाहरुले सेवन गरिरहेको प्रादेशिक आयुर्वेदिक अस्पताल लखनपुरका निर्देशक डाक्टर सिदार्थ ठाकुरले जानकारी दिनुभयो । उहाँका अनुसार पहिलो महिना १ हजार ५ सय हाराहारीबाट सुरु भएको यो कार्यक्रम पाचौ महिनामा आईपुग्दा ४ हजार हाराहारी बालबालिकाले सेवन गर्न थालेका छन ।
खासगरी दमक, कमल , गौरादह क्षेत्रका बालबालिकाले स्ंवरण बिन्दु प्राषन गराउने गरेको पनि उहाँले उल्लेख गर्नु भयो । ६ महिनादेखि ५ वर्षसम्मका बालबालिकालाई एक विशेष आयुर्वेदिक औषधि खुवाउने भएको छ ।
शास्त्रीय विधिसम्मत बिहानको समयमा पुष्य नक्षत्रको दिन पारेर महिनैपिच्छे ‘स्वर्ण बिन्दु प्राशन’ वितरण गरिदै आईएको छ । बालबालिकाको शारीरिक तथा मानसिक विकासलाई बढवा दिनु र उनीहरूलाई विभिन्न रोगबाट बचाउनु संवरण बिन्दु लाभदायी हुने पनि डाक्टर ठाकुरले जानकारी दिनुभएको छ ।
स्वर्ण बिन्दु प्राशन’ बनाउन ‘स्वर्णभस्म’लाई घ्यू र महमा मिसाएर औषधीय गुण भएको पदार्थ बनाइने गरिएको र यो यहि अस्पतालमै उत्पादन गरिरहेको समेत डाक्टर ठाकुरले जानकारी दिनुभयो ।
