दमक,१५ मंसिर। समुदायमुखी स्वास्थ्य सेवामा निरन्तर सक्रिय रहेको ओम शान्ति हस्पिटलले मंसिर १५ गते दमक–१ मा रहेको लिटल स्कलर मन्टेश्वरीमा निःशुल्क दन्त परीक्षण शिबिर सम्पन्न गरेको छ । विद्यालयमा अध्ययनरत करिब २०० विद्यार्थी तथा अभिभावकले शिबिरमार्फत निःशुल्क दन्त परीक्षण गराएका छन् ।
शिबिरमा बालबालिकाको दन्त स्वास्थ्यको अवस्था कस्तो छ भनी परिक्षण गरिएको थियो भने भविष्यमा अपनाउनुपर्ने दन्त सुरक्षाबारे चिकित्सक टोलीद्धारा विस्तृत परामर्श समेत प्रदान गरिएकोे थियो ।
सोही विद्यालयकी अभिभावक विपना खत्रीले यसखाले निशुल्क दन्त शिभिर विद्यालयमा आयोजना हुदाँ विद्यालयमा अध्ययन।त विद्यार्थीहरुले मात्र नभई आफू अभिभाबकहरुले पनि निशुल्क दन्त परिक्षण गराई प्रत्यक्ष फाईदा लिन पाएको बताउनुभयो ।
त्यस्तै विद्यालयका संस्थापक प्रिन्सीपल देव ओझाका अनुसार यस खाले दन्त शिभिर विद्यालयमा आयोजना हुदाँ विद्यार्थीहरुको दन्तको स्वास्थ्य अवस्था कस्तो छ भनी अभिभावक र विद्यालयलाई थाहा हुने भएकाले दन्त रोगको प्रारम्भीक अबस्थामा उपचार हुन सक्ने बताउनुभयो ।
आज आयोजना भएको दन्त शिभिरमा दन्त परिक्षण गर्नेहरुलाई थप उपचार आवश्यक भए २० प्रतिशतसम्म छुट समेत रहेको ओम शान्ति हस्पिटलका सञ्चालक कमल गैरेले जानकारी दिनुभयो ।
ओम शान्ति हस्पिटलले यसअघि पनि दमकका विभिन्न विद्यालय तथा समुदायमा दन्त तथा सामान्य स्वास्थ्य सम्बन्धी निःशुल्क परीक्षण गर्दै आएको छ।
