दमक,६ पुस । दमकमा एक दिने निशुल्क आँखा शिविर सम्पन्न भएको छ । दमक नगरपालिकाको आयोजना र मेची आँखा अस्पताल बिर्तामोडको प्राबिधिक सहयोगमा शिबिर सम्पन्न गरिएको हो ।
दमक नगरपालिकाको प्राङ्गणमा सम्पन्न शिबिर विपन्न , जेस्ठ नागरिक तथा लक्ष्यित वर्ग केन्द्रित गरेर आयोजना गरिएको दमक नगरपालिकामा प्रमुख राम कुमार थापाले जानकारी दिनुभयो ।
शिविरमा आउनेहरुको निशुल्क आँखा परिक्षण , आवश्यक पर्नेहरुलाई चस्मा र औषधि वितरण , परिक्षण पश्च्यात उपचार आवश्यक पर्नेहरुलाई नगरपालिकाको सिफारिसमा निशुल्क मोतियाबिन्दु शल्यक्रिया समेत गरिदिने नगरपालिकाका स्वास्थ्य साखाका प्रमुख प्रजेस मेहेताले जानकारी दिनुभयो ।
शिविरमा ५ सय बढिले लाभ लिएका छन । यसमध्ये जतिलाई मोतियाबिन्दु गर्न भनेर चिकित्सकले अस्पताल बोलाउनु भएको छ उहाहरुको निशुल्क उपचार नगरपालिकाले गरिदिने जनाईएको छ ।
