विराटनगर,१८ पुस । विराटनगर महानगरपालिका–१५ स्थित ३ नं. ढाटमा गएराति मोटरसाइकल दुर्घटना हुँदा एक जनाको मृत्यु भएको प्रहरीले जनाएको छ । अर्का एक जना घाइते भएका छन् ।
विराटनगरबाट जोगबनी तर्फ जाँदै गरेको प्र.१–०२–०५२प ९५८७ नम्बरको मोटरसाइकल अनियन्त्रित भई ३ नं. ढाटमा ठक्कर खाँदा मोटरसाइकल चालक सप्तरीको तिरहुत गाउँपालिका–५ महुली घर भई हाल कटहरीस्थित रणकाली माता कन्स्ट्रक्सनमा कार्यरत ३० वर्षीय अनोज चौधरीको मृत्यु भएको छ।
गएराति करिब १२ः५५ बजे भएको उक्त दुर्घटनामा गम्भीर घाइते भएका चौधरीलाई तत्काल उपचारका लागि कोशी अस्पताल विराटनगर लगिएको थियो । अस्पताल पु¥याउनासाथ चिकित्सकले राति १ः२२ बजे उनलाई मृत घोषणा गरेको प्रहरीले जनाएको छ ।
दुर्घटनामा मोटरसाइकलको पछाडि सवार मोरङ कटहरी गाउँपालिका–५ का ३० वर्षीय धर्मेन्द्र सरदार सामान्य घाइते भएका छन् । उनी मृतक चौधरीसँगै सोही कन्स्ट्रक्सनमा काम गर्ने मजदुर भएको प्रहरीले बताएको छ ।
