दमक, १८ पुष । इच्छा शक्ति भयो र मनमा सामाजीक काम गर्ने हुटहुटी भयो भने नागरीक स्तरबाटैपनि मनग्गे काम हुन सक्छन् । तर त्यो काम र योजना त्यस ठाउँकालागी अति आवश्यक हुनुपर्यो । त्यसको अभावमा गाउँको शीर झुकेको भयो भने त्यसलाई पूर्णता दिन थप हौसाला र साहस आउने रहेछ । यो कुरालाई झापाको कमल ६ खयरबारीका बासिन्दाहरुले पुष्टि गरीदिएका छन् । यहाँका नागरीकहरुनै मिलेर श्रमदान मार्फतनै ३० लाख रुपैँयाको लागतमा यहाँ मुक्ति घाट बनिरहेको छ ।
रतुवा पुलबाट करिव ५ सय मिटर दक्षीण । दमकको वार्ड नं ८ स्थित इलाका प्रशाषन कार्यालयबाट हेर्ने हो भने यसो खोला पारीको स्थल । यो ठाउँको नाम हो खयरबारी । खयरबारीका स्थानीयहरु सामान्य आर्थीक अवस्थाका छन् । उनीहरु कसैको मृत्यू सस्कारकालागी अन्त्यष्टि स्थल लैजान मात्रै एक डेढ लाख खर्च गर्न सक्ने क्षमता छैन । घर छेउमै रतुवा नदि निरन्तर बगीरहेको छ । तर स्थानीयहरु ऋण काढेर भएपनि कन्काई माई लगीरहेका छन । केहि समय अघी यस ठाउँमा भएको मरीमराउँ घटनामा अन्त्यष्टिकालागि रतुवाकै किनारमा ल्याइएको थियो । तर यहाँ आएका मलामीहरुले सास्ती भोग्नु पर्यो । लास र काममा बस्नुपर्ने आफन्तले पनि समस्या झेल्नु पर्यो । पानी परेका कारण सबै भीज्नु पर्ने अवस्था सृजना भएपछि यस ठाउँमा अव जसरीपनी मुक्तीघाट बनाउने प्रण स्थानीयले गरे ।
यसपछि यो समस्या र अभाव टार्न यहाँ रहेको खयरबासी यूवा क्लवलाई सकृय बनाइयो । दशैमा चीट्ठा र तीहारमा देउसी भैलो खेलाइयो । अनी केहि स्थानीबासीहरुबाट सहयोग पनि मागीयो । यसबाट करिव १० देखी १२ लाख रुपैँया संकलन भयो । सो संकलीत रकमबाट अहिले यहाँ धमाधम मुक्तीघाट निर्माणको काम भइरहेको छ । यहाँ काम गरीरहेकाहरु कोहिपनि हाजीरावाला हैनन । सबैले आ आफुले जानेको र सकेको काम गरेर मुक्तीघाट बनाउन कस्सी रहेका छन् । स्थानीय यूवा, महिला, बृद्ध सबै वर्गका नागरीकले गरेको यो काम देखेर यो बाटो भएर हिडीरहनु भएका दमकका पुण्ड्य प्रसाद पराजुलीले बाटैमा आर्थीक सहयोग पनि गर्नु भयो ।
यो योजना पुरा गराउन अझै २० देखी २५ लाख रुपैँया लाग्न सक्छ । किनकी यहाँ दुईतले भवन बन्ने छ । भवनको तल्लो तलामा नुहाउने देखी भण्डारण कक्ष बनाइने छ । माथील्लो तलमा मलामी बस्ने र खाजा खुवाउने ठाउँ बनाइने छ । यती मात्रै नभएर खोलाको तीरमा कम्तिमा दुईवटा दाहसस्कार गर्ने स्थाई संरचना समेत बनाइने छ । यी सबै काम बढिमा ६ महिना भीत्रमा गरिसक्नेगरी लागेको र सरकारी दाता बाहेक नागरीक स्तरबाटै सहयोग संकलन गरेर यो योजना पुरा गराउने उद्धेस्य राखीएका खयरबारी यूवा क्लवका अध्यक्ष राम शाही ठाकुरीले प्रतिवद्धता व्यक्त गर्नुभयो ।
वर्षौ देखी यस क्षेत्रका नागरीकले यहाँ मुक्ति घाट निर्माणकालागी राज्यका निकायमा माग राखीरहेका थिए । तर राज्यका सबै निकायले कानमा तेल हालेर बसेपछि सरकारी सहयोग नलीइ नागरिक स्तरबाटै योजना सम्पन्न गर्ने प्रण गरेर अघी बढिरहेका छन ।
