दमक/
राष्ट्रिय यूवा सघं दमक नगर कमिटी पछिल्लो समय निरन्तर विभिन्न स्वास्थ्य शिविर सञ्चालन गरिरेको छ । दमकका बिभिन्न वडामा दन्त शिविर गर्दै यूवाहरुको सकृयता समाज सुधारमा पनि देखाउन खोजीरहेको छ ।
यहि क्रममा गत फागुन २४ गते दमक नगरपालिका वडा नं २ मा निशुल्क दन्त शिविर गर्यो । सघंको २ नम्वर वडा कमिटीले व्यवस्थापन गरेको शिविरमा ६० जनाले दन्त परिक्षण गराएका थीए ।
त्यसपछि दमक नगरपालिका वडा नं ५ र ६ को संयूक्त रुपमा दन्त शिविर सम्पन्न भयो । बिहिबार दिपिनी आधारभूत विद्यालयमा सम्पन्न शिविरबाट ३ सय १५ जनाले दन्त परिक्षण गराएका थिए भने सुक्रबार दमकको उत्तरी क्षेत्र वडा नं ३ मा सम्पन्न भयो । ढुकुरपानी माविमा सम्पन्न शिविरमा २ सय १५ जनाले सेवा लिएका थिए ।
न्याय प्रेमी यूवाहरु राष्ट्रिय यूवा सघंमा , सामाजिक परिवर्तन यूवाको काँधमा भन्ने मुल नारा सहित सघंले दमकका १० वटै वडामा यस प्रकारको शिविर सम्पन्न गर्ने लक्ष्य राखेको शिविर संयोजक कमल गैरेले जानकारी दिनुभयो । यसले यूवा र समाजलाई सकरात्मक तरिकाले जोडन् मद्यत पुग्ने विस्वास गरिएको सघंका दमक नगर कमिटी अध्यक्ष वेञ्जन शेर्पाको विस्वास छ ।
विभिन्न ठाउँमा भएका शिविरमा दमक नगरपालिकाका जनप्रतिनिधीका साथै नेकपा एमालेका जिल्ला तथा केन्द्र स्तर सम्मका नेताहरुको उपस्थित हुने गरेको छ ।
ओम शान्ती डेण्टलको प्राविधिक सहयोगमा शिविर सञ्चालन भइरहेको छ । दन्त रोग विषेशज्ञ डा. सिपि गैरे, संगीता राई तथा निकी बर्माको टोलीले शिविरमा सेवा पुर्याइरहेका छन् । शिविरमा परिक्षण गर्न आउनेलाई आवश्यक पर्ने औषधि निशुल्क रुपमा प्रदान गरिएको छ भने जटिल समस्या भएमा अस्पतालमा नै बोलाएर विषेश सहुलियतमा उपचारको व्यवस्था पनि मिलाइएको शिविर संयोजक गैरेले जानकारी दिनुभयो ।
