दमक , ६ फागुन ।न्युरो सम्बन्धि समस्या भएका दमक र यस आसपासका क्षेत्रका नागरिक उपचार गराउन अब दमक बाहिर जानू नपर्ने भएको छ । किनकी दमकको मुख्य बजार क्षेत्रमा रहेको एडभान्स मल्टी स्पेसियालीटी हस्पिटलले आफ्नो सेवा बिस्तार गरेको जनाएको छ ।
दमकमा कयौ अस्पताल छन जहाँ न्युरो उपचार हुन सकिरहेको थिएन । सरकारी, गैरसरकारी तथा निजि अस्पतालहरुले समेत न्युरो सेवा बिस्तार गर्न नसकिरहेको अबस्थामा दमकको एडभान्स हस्पिटलले भने न्युरो सेवा सुरु गरेको छ । बिर्तामोडमा रहेको बिर्तासिटि हस्पिटलले दमकको एडभान्स हस्पिटलको स्वामित्व लिएसगै नया सेवा बिस्तार गरिएको बुधबार अस्पतालमा पत्रकार सम्मेलन गरेर जानकारी गराइएको छ ।
पत्रकार सम्मेलमा बोल्दै अस्पतालका सन्चालक तथा मेडिकल डाईरेक्ट डाक्टर अनिल बस्नेतले भन्नू भयो “दमकमा पहिलो पटक हामीले न्युरो सुविधा ल्याएका छौ । विशेषज्ञ सहित सुबिधायुक्त प्रविधिको प्रयोग गरे सल्यक्रिया समेत अब यहाँ हुने छ । यसबारेमा आम मानिसलाई जानकारी दिन हामीले बुधबार निशुल्क स्वास्थ्य शिबिर समेत सन्चालन गर्यौ । “
यो अस्पतालकै समूहले दमकमा अर्को सुबिधाजन्य अस्पताल समेत सन्चालनमा ल्याउदै छ । दमक ५ स्थित बिकास टोलमा बिर्ता सिटि हस्पिटल सन्चालनमा आउने छ । यहाँ एम आर आई देखि लिएर अन्य सबै खाले सुबिधा र विशेषज्ञ सुविधा प्रदान गर्ने लक्ष्य लिइएको अस्पतालका प्रशासक बिनोद बस्नेतले जानकारी दिनुभयो । एक सय शैयाको अस्पताल संचालनमा आएपछि यस क्षेत्रका स्वास्थ्य समस्या भएका बिरामीहरु दमक बाहिर जान नपर्ने गरिको सुबिधा दिने तयारी रहेको बस्नेतले बताउनु भयो ।
बाइट, बिनोद बस्नेत, प्रशासक, बिर्ता सिटि हस्पिटल दमक
बिर्ता सिटि हस्पिटल अन्तरगत अब तीन वटा स्वास्थ्य सस्था रहने भएका छन । एडभान्स हस्पिटललाई भबिस्यमा बिर्ता सिटि हस्पिटल दमकको सहयोगीको रुपमा वा कुनै समुहलाई ठेक्काको रुपमा समेत सन्चालन गर्न दिने संभावना पनि रहेको संचालक डाक्टर बस्नेतले बताउनु भयो ।
