बेवारिसे अवस्थामा एक पुरुषको शव फेला

पाँचथर/ पाँचथरको हिलिहाङ गाउँपालिका– १ अमरपुरस्थित भिरफेदी जंगलमा बेवारिसे अवस्थामा एक पुरुषको शव फेला परेको छ । किरा परेको अवस्थामा करिब ४० वर्षीय पुरुषको शव भेटिएको प्रहरीले जनाएको छ ।

प्रहरीका अनुसार सेतो र नीलो रङको हाफ भेष्ट र कालो जिन्स पेन्ट लागाएको त्यसैगरी कपाल,दारी पालेको र अगाडीको दुई ओटा दाँत नभएको अवस्थामा शव भेटिएको हो ।

शवको पहिचानका लागि अनुसन्धान भइरहेको जिल्ला प्रहरी कार्यालय पाँचथरका सूचना अधिकारी डम्बर बिश्वकर्माले जानकारी दिनु भयो ।