दमक, १७ चैत्र । विद्यार्थीहरुको खेलकुदमा रुचि हुन्छ । त्यो पनि एउटै मात्रै हैन । फरक फरक विधामा । हरेकको रुचिलाई फरक फरक हुने गरेपनि ती फरक फरकबाट अधिकमत रुचि के केमा हो ? कुन विधाका विद्यार्थी बढि भए त्यहि अनुसारको खेलहरु खेलाउने गरी दमक बहुमुखी क्याम्पसमा खेलकुद सप्ताह सुरु भएको छ ।
विद्यार्थीलाई पढाइसगै उनीहरुको अन्तर प्रतिभा मध्ये खेलपनि एक महत्वपूर्ण क्षेत्र हो । त्यसैले विद्यार्थीलाई प्रतिस्पर्धात्मक रुपमै अघी सारेर अहिले खेलकुद सप्ताह गरीएको क्याम्पसको स्वतन्त्र विद्यार्थी यूनियनका सदस्य तथा खेलकुद सप्ताहको खेल संयोजक सञ्ज्य राईले बताउनु भयो ।
विद्यार्थीलाई पठन–पाठनमा मात्रै सिमित राख्दा उनीहरुमा नयाँ उर्जा थपीन मुस्किल हुन्छ । यस खाले खेलकुद प्रतियोगीताले उनीहरुको अन्रप्रतिभा प्रस्फूटन त हुन्छ नै त्यसबाहेक शारिरिक र मानसीक रुपमा समेत स्फूर्ति दिलाउने भएकोले हरेक वर्ष स्वतन्त्र विद्यार्थी यूनियनको आयोजनामा यहाँ खेलकुद सप्ताह हुने गरेका स्ववियू पदाधिकारीहरुको भनाई छ ।
आयोजना विद्यार्थीको, तर संयोजन क्याम्पस प्रशषनको । अर्थात विद्यार्थीको रुचि , चाहना र आवश्यकतालाई क्याम्पसले महसुस गरेर खेलकुद सप्ताह सम्पन्न गर्न सँधै सहकार्य गर्ने गरेको र सहयोग समेत गर्ने गरेको छ । यसबाट विद्यार्थीहरुमा स्फूर्ति सृजना हुने र यसपछि पढाईमा समेत ध्यान केन्द्रित हुन सक्ने विस्वास क्याम्पस प्रशासनको छ ।
यो क्याम्पसले विद्यार्थीलाई खेलमा मात्रै हैन, खोज र अनुसन्धानमा पनि लगाउने गरेको छ । नयाँ नयाँ अन्वेशण गरी विद्यार्थीले सामाजीक समस्या र अवस्थाको समेत उजागर गर्न सक्ने पनि बनेका छन् ।
