दमक,३० वैशाख । सास्कृतिक पहिचान झल्कने पहिरन । पञ्चेवाजा र च्याब्रुङको ढोल । खेलाडीको अनुशाषन अनी नगरका नेतृत्वको उपस्थितीले सोमबार फरक माहोल बनाएको थियो । यो झाँकी सहितको र्याली दमक नगरपालिकाले आयोजना गरेको खेलकुद महोत्सवको उद्धघाटन गर्न अघी बढेको हो । सोमबार विषेश झाँकी सहित दमक ७ मा रहेको नमुना कवर्ड हलमा पुग्यो । बिभिन्न खेलका खेलाडीहरु यहाँ सहभागी थिए । दमक नगरपालिकाका प्रमुख राम कुमार थापा, उप प्रमुख रेगिना भट्टराई प्रसाई, प्रमुख प्रशाषकीय अधिकृत सुनिल निरौला, दमकका बिभिन्न वार्डका वार्ड अध्यक्ष, खेलप्रेमी, अन्य बिभिन्न राजनैतिक दलहका प्रतिनिधीहरुको सहभागीताले महोत्सवको उद्धघाटन भव्य देखाइरहेको थियो ।
अनी अझ यसैमा आर टि एफ तेक्वान्दोका खेलाडीहरुले आफ्नो प्रस्तुतीको प्रर्दशनीले यो माहोललाई अझ सानदार बनाइरहेको थियो । महोल खेलमय थियो । यो माहोललाई अझ रोमाञ्चक बनाउन यहाँ साकेला सिली नचाइयो । च्याब्रुङ नाचले यो उपस्थितीलाई फरक माहोल बनाउँदै उत्साहीत बनाइरहेको थियो ।
उद्धघाटन कार्यक्रमको औपचारीक कार्यक्रमलाई निकै छोटो समयमै सक्ने प्रयास गरीएको थियो । कार्यक्रममो सफलताको सुभकामना व्यक्त गर्ने मन सबैको थियो । तर समयको पावन्दीले गर्दा कार्यक्रमको प्रमुख अतिथी रहनु भएका दमक नगरपालिकाका प्रमुख राम कुमार थापाले मात्रै बोल्नु भयो । उहाँले दमकमा खेलकुद महोत्सवले नयाँ उचाई लिइरहेको र सबै खेललाई समान स्थान दिएर खेलाइएकोले हरेक खेलका खेलप्रेमीहरु समेट्न सकिएको भन्दै महोत्सव सफलताको सुभकामना व्यक्त गर्नुभयो ।
नगरको खेलकुदलाई चलायमान बनाउन यहाँ नगर पालिका अन्तर्गतको खेलकुद विकास समिती छ । यही समितीले बिगत वर्ष झै यो पटक पनि खेलकुद महोत्सव आयोजना गरेको हो । यसका अध्यक्ष भीम केसीले सबै विधाका खेलाडीहरुलाई नगद पुरस्कार सहित एउटा स्थानीय तहले गरेको कार्यक्रम नेपालमै उदाहरणीय रहेको दावि गर्नु भयो । उहाँ भन्नु हुन्छ कोहि पनि खेलाडी रित्तो हात फर्कन हुदैन भनेर हरेक खेलका उत्कृष्ट खेलाडीहरुलाई कुनै न कुनै तहको पुरस्कार व्यवस्थापन गरिएको र यसबाट उनीहरुलाई थप उत्साह प्राप्त हुने विस्वास उहाँको छ ।
९ वटा विधाका खेलकुदहरु यो महोत्सवमा सञ्चालन गरिरहेका छन् । बिभिन्न खेलहरु दमक नगर भीत्र रहेका बिभिन्न मैदान, हल तथा खुल्ला स्थान अनी कोर्टहरुमा सञ्चालन भइरहेको छ । यसको समापन बुधबार बैशाख ३० गते दमक १० मा सेतुमारी स्थित नलबारी खेलमैदानमा महोत्सव संयोजक प्रकाश राईले जानकारी दिनुभयो ।
