काठमान्डौं ,५ असार । झण्डै ८ अर्ब रुपैयाँ बराबरको राहदानी खरिद सम्झौतामा भएको व्यापक आर्थिक अनियमितता र गुणस्तरहीनताको उजुरीमाथि अख्तियार दुरुपयोग अनुसन्धान आयोगले आक्रामक रूपमा अनुसन्धान अघि बढाएको छ।
पक्राउ र हिरासत अख्तियारले राहदानी विभागका महानिर्देशक तीर्थराज अर्याल, निर्देशक सुनीलकुमार केसी, जर्मन कम्पनीका नेपाली प्रतिनिधि (एजेन्ट) मनिन्द्रराज मल्ल र पूर्व लेखा अधिकृत तुलसीप्रसाद आचार्यलाई नियन्त्रणमा लिएर अनुसन्धान गरिरहेको छ।
उच्च तहमा बयानको तयारी यो प्रकरणमा पूर्व परराष्ट्रमन्त्री आरजु राणा देउवा र राहदानी छाप्ने सम्बन्धित जर्मन कम्पनीका अन्तर्राष्ट्रिय प्रतिनिधिहरूलाई समेत बयानका लागि बोलाइएको छ। ठेक्का प्रक्रियामा राज्य कोषलाई करोडौँ नोक्सान पुर्याइएको र पासपोर्टको सुरक्षा मापदण्डमा सम्झौता गरिएको आशंकामा अख्तियारले विशेष अदालतबाट म्याद थप गरी अनुसन्धान तीव्र बनाएको हो।
