ताप्लेजुङ —ताप्लेजुङको पाथीभरा मन्दिरको दर्शन गर्न पुगेका सुनसरीको इटहरीका तीर्थयात्रीको ज्यान गएको छ ।
इटहरी नगरपालिका–९ का ६० वर्षीय खिनबहादुर ढुङ्गाना मन्दिर दर्शन गर्ने क्रममा अचानक बेहोस भएका थिए ।
बेहोस बनेका उनलाई तत्काल प्राथमिक उपचार केन्द्र फेदीका स्वास्थ्यकर्मीले प्रारम्भिक उपचार गरेपश्चात् जिल्ला अस्पताल ताप्लेजुङ लगिएकोमा जिल्ला अस्पतालका चिकित्सकले मृत घोषित गरेको जिल्ला प्रहरी कार्यालय ताप्लेजुङले जनाएको छ ।
लेक लागेर स्वास्थ्यमा समस्या आएको हुनसक्ने अनुमान प्रहरीको छ । ढुङ्गाना आफ्नो परिवार र नातागोतासहित दर्शनका लागि सोमबार बिहान मन्दिर पुगेका थिए । उनी दर्शनका क्रममा अचानक ढलेका थिए ।
