तेह्रथुम/ इन्टरनेटको पहुँच गाउँगाउँमा पुग्न थालेपछी तेह्रथुम जिल्लाका बिद्यालयहरु डिजिटल प्रबिधी सँग जोडिन थालेका छन ।
जिल्लाको ग्रामिण स्तरमा रहेका बिद्यालयहरुमा समेत पछिल्लो समय ईन्टरनेट जडान भएपछी डिजिटल प्रबिधी सँग जोडिएका हुन ।
केहीबर्ष अघीसम्म कागजातपत्र मार्फत सम्प्रेषण गर्ने गर्दै आएका बिद्यालयहरु आफ्नै कार्यालयबाट ईमेल गर्न थालेका छन ।
विद्यार्थी, अभिभावक, शिक्षक र समुदायलाई एकै साथ सुचना प्रविधिमा जोड्न तेह्रथुमका ४ वटा माध्यमिक बिद्यालयमा डिजिटल साक्षरता अभीयान सुरु भएको छ । प्रदेश १ सरकारको सामाजिक विकास मन्त्रालयले डिजिटल साक्षरता अभियान सुरु भएपछी शिक्षकका साथै बिद्यार्थीहरुलाई समेत पठनपाठनमा सहज भएको बिद्यार्थीहरुले बताएका छन ।
ई–एजुकेसनको माद्यम बाट सिंगो समुदायलाई कम्प्युटर प्रविधिमा जोड्ने उदेश्यले ‘प्रदेश समृद्धिको आधार, शिक्षामा डिजिटल पूर्वाधार’ नाराका साथ मेन्छ्यायेम गाउँपालिकाको गौखुरी माबी र श्रीजुङ माबी, फेदाप गाउँपालिकाको जनज्योती माबी र छथर गाउँपालिकाको भगवती माबीमा एकै साथ डिजिटल साक्षरता अभियान सुरु भएका हुन ।
बिद्यार्थीहरुलाई सचित्र पठन पाठनमा सहजता हुनको साथै बिद्यार्थी शिक्षक दुबैलाई मद्दत पुगेको भगवती माध्यमिक बिद्यालय छथर गाउँपालिका ५ का प्रधानध्यापक श्रीमान बस्नेतले बताउनु भयो ।
प्रबिधीको विकास सँगै जिल्लाका बिद्यालयहरुमा कम्प्युटर जडान भएका छन । कम्प्युटरको साथमा ईन्टरनेट जडान गर्ने क्रम बढ्दो रहेको छ । केही स्थानीय तहरुले एक बिद्यालय एक स्माट टिभी कार्यक्रम सुरु गरेको जनाएका छन ।
