काठमान्डौ,१० भदौ । रास्वपाकी सांसद समीक्षा बास्कोटाले राष्ट्रिय विपद् घोषणा गरी तत्काल उद्धार र विपद् व्यवस्थापनमा परिचालन गर्न सरकारलाई आग्रह गर्नु भएको छ ।
बुधबारको प्रतिनिधिसभा बैठकमा उहाँले विपद् व्यवस्थापन कोष परिचालन गरी सांसद र कर्मचारीको यथोचित रकम कट्टा गर्ने व्यवस्था मिलाउन आग्रह गर्नुभयो । उहाँले आफ्नो दुई महिनाको तलब कोषमा जम्मा गर्न आग्रह गर्नुभयो ।
“आजै राष्ट्रिय विपद् कोष गठन वा परिचालन गरी सम्पूर्णलाई सहयोगको पहल गर्ने, सांसदलगायत सम्पूर्ण कर्मचारीको तलबबाट यथोचित कट्टा गरी कोषमा जम्मा गर्ने,” उहाँले भन्नु भयो, “मेरो हकमा मेरो दुई महिनाको तलबभत्ता कोषमा जम्मा गरियोस् ।”
बास्कोटाले विपद्का बेला सम्पूर्ण राजनीतिक दललाई एक ठाउँमा ल्याउनुपर्ने बताउनु भयो। सर्वदलीय बैठक आह्वानका लागि रास्वपा सभापति रवि लामिछानेलाई आग्रह गर्नुभयो ।
