काठमाडौँ ,२७ असोज । नेपाली कांग्रेसका जनसम्पर्क समितिका ७ केन्द्रीय सदस्य निर्वाचित हुनु भएको छ।निर्वाचन समितिका अनुसार जनसम्पर्क समितितर्फका दुई महिला केन्द्रीय सदस्यमा सीता सापकोटा घिमिरे र चन्द्रा अधिकारी निर्वाचित हुनु भएको छ। घिमिरेले ३ हजार ११३ मत र अधिकारीले २ हजार ८९६ मत प्राप्त गर्नु भएको छ । यो कलस्टरमा ५ उम्मेदवार हुनुन्थ्यो ।
जनसम्पर्क समिति अन्तर्गतको युरोप क्षेत्र केन्द्रीय सदस्यमा जितेन्द्रविक्रम शाही निर्वाचित हुनु भएको छ । उहाँले १ हजार ४१२ मत प्राप्त गर्नु भएको छ । यस कलस्टरमा ८ उम्मेदवार हुनुन्थ्यो ।जनसम्पर्क समिति अन्तर्गतको ओसियाना–अमेरिका क्षेत्रको केन्द्रीय सदस्यमा सिए. विद्या भूषण कार्की निर्वाचित हुनु भएको छ । कार्कीले १ हजार ९५१ मत प्रापत गर्नु भएको छ। यस कलस्टरमा ४ उम्मेदवार हुनुन्थ्यो।मध्यपूर्व क्षेत्रमा पुरुषोत्तम खनाल निर्वाचित हुनु भएको छ । उहाँले २ हजार ९४ मत प्राप्त गर्नु भएको छ। यस कलस्टरमा ४ उम्मेदवार हुनुन्थ्यो ।
प्यासिफिक क्षेत्रमा डा. बलराम श्रेष्ठ केन्द्रीय सदस्य निर्वाचित हुनु भएको छ। उहाँले १ हजार ९२० मत प्राप्त गर्नु भएको छ । ७ उम्मेदवार थिए । भारतबाट बालकृष्ण पाण्डे केन्द्रीय सदस्य निर्वाचित हुनु भएको छ । उहाँले ३ हजार ८२७ मत प्राप्त गर्नु भएको छ । यहाँ २ उम्मेदवार हुनुन्थ्यो ।
