दशैंतिहारमा चिनीको अभाव नहुने

काठमाडौं,२९ असोज । खाद्य व्यवस्था तथा व्यापार कम्पनी लिमिटेडले दशैंतिहारमा चिनीको अभाव हुन नदिने गरी मौज्दात व्यवस्थापन गरेको जनाएको छ । कम्पनीसँग अहिले करीब २२ हजार क्विन्टल चिनी मौज्दात रहेको र आवश्यकताअनुसार थप आयात गर्ने तयारी भइरहेको कम्पनीका सूचना अधिकारी माधव मिश्रले बताउनु भयो । उहाँका अनुसार सरकारले उपलब्ध गराएको चिनी काठमाडौं उपत्यकामा प्रतिकिलो १०९ रुपैयाँ र उपत्यकाबाहिर ११० रुपैयाँमा बिक्री भइरहेको छ । चाडपर्वमा माग बढे पनि उपभोक्तालाई चिनीको अभाव हुन नदिने गरी मौज्दात र वितरण व्यवस्थापन गरिएको मिश्रले बताउनु भयो ।

 

सरकारले उपलब्ध गराएको २५ हजार क्विन्टल चिनीमध्ये १० हजार क्विन्टल आइसकेको उहाँले जानकारी दिनु भयो । बाँकी १५ हजार क्विन्टल आवश्यकताअनुसार ल्याउने विषयमा तयारी भइरहेको छ । थप चिनी आयात गर्ने विषयमा अध्ययन भइरहेको भए पनि प्रक्रिया अन्तिम चरणमा नपुगेको उहाँले बताउनु भयो।कम्पनीले मौज्दात रहेको चिनी खुद्रा बिक्रीका साथै डिलर, सहकारी र साझेदार संस्थामार्फत वितरण गरिरहेको छ । नेपालगञ्जमा भारतबाट सरकारीस्तरको समझदारी जीटूजी अन्तर्गत ल्याइएको चिनीसमेत मौज्दात राखिएको मिश्रले बताउनु भयो ।खाद्य कम्पनीले यस वर्ष साउन २८ देखि नै सहुलियत पसल सञ्चालनमा ल्याएको छ । यसअघि चाडपर्वलाई लक्षित गरेर सञ्चालन हुँदै आएका यस्ता पसललाई यस वर्षको बजेटअनुसार वर्षभरि सञ्चालन गर्ने लक्ष्य राखिएको मिश्रले बताउनु भयो ।

 

हाल देशका ४४ जिल्लाका १९३ स्थानबाट सहुलियत पसल सञ्चालन भइरहेका छन् । सरकारले उपलब्ध गराएको ३ करोड ५० लाख रुपैयाँमध्ये हालसम्म करिब ७७ लाख रुपैयाँ खर्च भइसकेको छ । कम्पनीका अनुसार उपभोक्तालाई खाद्यान्न तथा अन्य वस्तुमा हालसम्म करिब ७६ लाख रुपैयाँ बराबरको छुट दिइएको छ ।कम्पनीले उपलब्ध गराएको विवरणअनुसार विभिन्न प्रकारका चामलमा करिब १२ हजार क्विन्टल, फोर्टिफाइड चामलमा २ हजार ८१० क्विन्टल, तेलमा ३४२.४४ क्विन्टल, दाल तथा गेडागुडीमा २५३.६८ क्विन्टल र गहुँमा १२६ क्विन्टल बराबरको बिक्रीमा सहुलियत दिइएको छ । चिनीको बजार मूल्य घटेपछि त्यसमा दिइँदै आएको छुट भने बन्द गरिएको मिश्रले बताउनु भयो ।फोर्टिफाइड चामलप्रति उपभोक्ताको प्रतिक्रिया सकारात्मक रहेको उहाँको भनाइ छ । सहुलियत पसलमार्फत दैनिक उपभोग्य वस्तु उपलब्ध गराउँदा बजार मूल्यको चापबाट उपभोक्तालाई राहत पुग्ने कम्पनीको अपेक्षा छ ।

 

दशैंका लागि खसीबोका तथा च्यांग्रा ल्याउने विषयमा भने कम्पनीले तत्काल निर्णय गरिसकेको छैन । बाढीपहिरो, सडक अवरोध र मौसमको अनिश्चितताका कारण जीवित पशु ढुवानीमा समस्या हुन सक्ने मिश्रले बताउनु भयो । सडकमा लामो समय रोकिनुपर्दा पशुको तौल घट्ने तथा तापक्रम र ढुवानीको कठिनाइका कारण बाटोमै मर्ने जोखिम रहने भएकाले तत्काल खरिद तथा ढुवानी प्रक्रिया अघि नबढाइएको उहाँको भनाइ छ ।

धान खरिदको तयारी

कम्पनीले किसानलाई उचित मूल्य दिलाउने उद्देश्यले धान खरिदको तयारी पनि गरिरहेको छ । यसका लागि खरिद विभागले प्रक्रिया अघि बढाइरहेको मिश्रले बताउनु भयो । कम्पनीको गोदाम क्षमता र स्रोत सीमित भएकाले सबै किसानको धान खरिद गर्न सम्भव नहुने उहाँको भनाइ छ ।त्यसैले उपलब्ध स्रोतको अधिकतम उपयोग गर्दै बजारमा मूल्य स्थिर राख्न सहयोग गर्ने र किसानले उत्पादनको उचित मूल्य पाउने वातावरण बनाउन कम्पनीले कार्यक्रम तयार गरिरहेको छ ।कम्पनीले सहुलियत पसलको मौज्दात र कारोबारको विवरण सफ्टवेयरमार्फत अद्यावधिक गर्ने गरेको जनाएको छ । यसबाट अनुगमन गर्ने निकायले कारोबार र मौज्दातको अवस्था प्रत्यक्ष हेर्न सक्ने तथा उपभोक्ताले पनि सहुलियत पसलबाट उपलब्ध वस्तुको लाभ लिन सक्ने मिश्रले बताउनु भयो ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

छठघाटमा सुरक्षा कडा, महँगा गहना नलगाउन पर्सा प्रहरीको आग्रह

वीरगञ्ज,२९ कार्तीक । पर्सा प्रहरीले वीरगञ्ज लगायत जिल्लाका सम्पूर्ण छटघाटहरूमा सुरक्षा व्यवस्था कडा पारेको छ । बर्दीधारी पुलिससँगै सादा पोशाकमा पनि प्रहरीले प्रहरी परिचालन गरिएको

अमेरिकामा १५ हजारभन्दा बढी हवाई उडान रद्द, १० लाख यात्रु प्रभावित

काठमाडौं ,२९ कार्तीक। अमेरिकामा देशव्यापी हवाई उडान रोकिएको घटनाको असर अझै सामान्य हुन सकेको छैन । चार घण्टासम्म देशभरका उडान रोकिएपछि उत्पन्न अवरोधका कारण हजारौं

कर्णालीद्वारा चितवनलाई १५४ रनको लक्ष्य

काठमाडौं,२९ कार्तीक । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेट अन्तर्गत आजको पहिलो खेलमा कर्णाली याक्सले चितवन राइनोजलाई १५४ रनको लक्ष्य दिएको छ

दुर्घटनापछि ‘जलाकी’ को मुख्य भूमिकामै फर्किए सोनम तोप्देन

काठमाडौं,२९ कार्तीक । गायकबाट अभिनेतासम्मको यात्रा तय गरेका सोनम तोप्देनका लागि सिनेमा ‘जलाकी’ एउटा विशेष प्रोजेक्ट बनेको छ । दुर्घटनाका कारण बीचमै छाड्नुपरेको यही सिनेमामा

नेपाल–भारत सीमामा ड्युटीकै क्रममा भारतीय एसएसबी जवानको मृत्यु

दिघलबैंक ,२९ कात्तिक । नेपाल–भारत सीमामा तैनाथ सशस्त्र सीमा बल (एसएसबी) का एक जवानको ड्युटीकै बेला मृत्यु भएको छ ।सशस्त्र सीमा बल (एसएसबी) का १२

छठलाई राष्ट्रिय पर्वका रूपमा स्थापित गर्न प्रभु साहको माग

काठमाडौं ,२९ कार्तीक। आम जनता पार्टीका अध्यक्ष तथा पूर्वमन्त्री प्रभु साहले आस्थाको महान पर्व छठलाई राष्ट्रिय पर्वको रूपमा स्थापित गरि अन्तर्राष्ट्रियकरण गर्नुको साटो अहिले क्षेत्रीय

एमाले प्रचार विभागका अनुसार मंसिर २ देखि राष्ट्रिय भेला र केन्द्रीय कमिटी बैठक

काठमाडौं,२९ कार्तीक । नेकपा (एमाले)ले आगामी मंसिर २ देखि ५ गतेसम्म तीनवटा महत्त्वपूर्ण केन्द्रीय कार्यक्रम आयोजना गर्ने भएको छ ।पार्टीले मंसिर २ र ३ गते