दमक/
दर खाने निम्तो छ है भन्दै पछिल्लो समय तीज सुरु हुनु भन्दा एक महिना अघी देखिनै निम्नो आउँछ । यस्तो निम्तो महिलाहरु आवद्ध भएका सघं सस्था तथा कार्यालयहरुबाट आउने गर्दछ । महिलाहरुपनि अहो दर खाने भनेर खुव खुसी भएर जाने गर्दछन् । तर धार्मीक रुपमा त्यस प्रकारको खाना वा भोजलाई दर भन्न नमिल्ने शास्त्रचार्य गुरु घनश्याम ढकाल बताउनु हुन्छ ।
तीज अर्थात व्रत बस्ने अघिल्लो दिनको रातको अपरान्ह समयमा खाइने परिकारलाई मात्रै दर मान्न सकिने शास्त्रचार्य ढकालको भनाई छ ।
उज्यालो खवरसँग कुराकानी गर्दै उहाँ भन्नु हुन्छ ‘एक महिना अघी देखि खाइने ती पाक्य पदार्थ दर नभएर एक भोज मात्रै हो त्यो दर होईन । त्यसमा दरको कुनै सम्बन्ध छैन ।’
दरका नाममा पछिल्लो सयम मादक पदार्थ सेवन गर्ने, माछा मासु खाने तथा शरिरलाई पचाउन गाह्रो हुने खालका खानेकुरा खाने गरेको प्रति उहा टिप्पणी गर्नु हुन्छ ।
शास्त्रचार्य ढकाल भन्नु हुन्छ ‘दरमा माछा मासु तथा कुनै पनि मादक पदार्थ सेवन गर्नै हुँदैन । त्यसले भोलीपल्टको ब्रतलाई कुनै फल दिदैन । ’शारिरिक रुपमा पनि त्यस्ता खानेकुरा अपच हुने र त्यसले हानी गर्ने भएको हुँदा धार्मिक रुपमा ब्रत बस्नु अघिल्लो दिन त्यस प्रकारका सबै खानेकुरालाई वर्जित गराइएको उहाँले बताउनु भयो ।
दरमा शरिरमा शक्ति प्रदान हुने, सजिलै पचाउन सकिने खानेकुरा मात्रै खान पनि उहाँले सुझाव दिनु भएको छ । यसले गर्दा भोलीपल्ट लिइने निराधार व्रतलाई पनि कनै असर नगर्ने उहाँको भनाई छ ।
तीजको व्रत बस्नु भन्दा अघील्लो दिनको रातको २ बजे देखी ४ बजेको बिचको समय दुई घण्टाको अवधिमा मात्रै खाइने पाक्य सामाग्री दर हुने र यसले भोलीपल्टको दिनभरीको व्रतमा पनि भोक नलगाउने पदार्थ खानुनै दर रहेको उहाँको प्रष्टोक्ति छ ।
दरको धार्मिक र यसको बैज्ञानीक महत्वका बारेमा शास्त्रचार्य ढकालसँग उज्यालो खवरले गरेको कुराकानीको भिडियो हेरौ ।-
