‘चिनमा ह्वाङवो जस्तै झापा २ मा बिरिङले दुख दिएको छ अव यसलाई नियन्त्रण गरेर आम्दानीको श्रोतमा परिणत गरिने छ ’ :देवराज घिमिरे

दमक/
झापाको क्षेत्र नं २ को सबै भन्दा बढी चुनौती हो बिरिङ नदि । पछिल्लो समय यसको अत्याधिक दोहन भएका कारण बाढी र डुवानको जोखिम बढि छ । यसै कारण बर्खा याममा यस क्षेत्रका नागरिक त्राहिमाम जीवन जिउँन बाध्य छन् । तर अव यो क्षेत्रको प्रमुख समस्याको रुपमा देखिएको बिरिङ नदिलाई नियन्त्रण गर्दै आम्दानीको श्रोतको रुपमा परिणत गर्ने योजना अघी सारीएको छ ।

आगामी मंसिर ४ गते हुने प्रदेश तथा प्रतिनिधीसभाको निर्वाचनमा झापा क्षेत्र नं २ बाट प्रतिनिधीसभाको उम्मेदवार रहनु भएका देवराज घिमिरेले बिरिङ नदिको नियन्त्रण र यसको सदुपयोग सम्बन्धीको नयाँ अवधारणा अघी सानु भएको छ ।

सोमबार घैलाडुब्बा बजारमा सम्पन्न भएको चुनावी भेटघाट कार्यक्रमलाई सम्बोधन गर्दै घिमिरेले भन्नु भयो ‘चिनमा ह्वाङवो नदि प्रमुख समस्यामा छ । त्यसै गरि यो क्षेत्र अर्थात झापा २ मा बिरिङ नदि प्रमुख चुनौती बनेको छ । चिनले ह्वाङवो नदिलाई जसरी नियन्त्रण गरेर राखेको छ त्यसैगरिनै अव बिरिङलाई पनि नियन्त्रण गरिने छ । ’ घिमिरेले आफ्नो मन्तव्यका क्रममा बताउनु भयो ।‘यसरी बिरिङ नदि नियन्त्रण भएपछि यसलाई आम्दानीको श्रोतको रुपमा विकास गर्न सकिने छ । यहाँ बगेर आउँने ठुला ढुङ्गा तथा बालुवालाई मापदण्डको आधारमा उत्खनन् गरिने र तटिय क्षेत्र वरिपरि ग्रीन बेल्ट बाँधेर पर्या -पर्यटनको रुपमा विकास गर्ने गरि काम गरिने छ । ’

घिमिरेले यसकालागि आफु निर्वाचित भएपछि नदि नियन्त्रणसँग सम्बन्धीत काम गर्ने सस्था जनताको तटबन्ध कार्यालय मार्फतको बिरिङ नदिको सर्वे गराउने र यसको आवश्यकता र जोखिमका आधारमा नदि नियन्त्रणको काम सुरुवात हुने बताउनु भयो ।