दमक, माघ १९
नेपाल आदिवासी जनजाति पत्रकार महासंघ (फोनिज) झापाको अध्यक्षमा अर्जुन राजवंशी निर्वाचित बन्नु भएको छ ।
शनिबार बिर्तामोडमा भएको फोनिजको सातौ जिल्ला अधिवेशनबाट स्थापनाको २५ वर्षको अवधिमा पहिलो पटक यसको नेतृत्व आदिवासीले संम्हाल्ने अवसर मिलेको हो । आगामी तीन वर्षे कार्यकालका लागि उपाध्यक्षमा तिलक योञ्जन, सचिव सन्तोष बेघा, सहसचिवमा भारती राई र कोषाध्यक्षमा नरेश गुरुङ चयन हुनु भएको छ । त्यस्तै, सदस्यहरुमा सुरेश आले मगर, रविकिरण बान्तवा, विष्णुकुल श्रेष्ठ, सुजन राई, मीना नेम्बाङ, सुमन बेघा, सौरभ मुखिया‘ए’ र डिके शेर्मा चुनिनु भएको छ ।
अधिवेशनबाट केन्द्रीय महाधिवेशन प्रतिनिधिमा दीपिन राई, गणेशमान मुखिया, , विशाल नेम्बाङ, इन्द्रसिंह राजवंशी, भूमिका फियाक, आनन्द गुरुङ, दिलकुमार लावती र सुशन राई चयन हुनुभयो ।
कार्यक्रममा २५ हजार राशिको स्व. डिकमान विरही स्मृति पत्रकारिता पुरस्कारबाट विष्णु सुब्बालाईं पुरस्कृत गरिएको छ । त्यस्तै ५ हजार राशिको उदीयमान पत्रकारिता पुरस्कार रविकिरण वान्तवा राई र सुजन राईलाई प्रदान गरिएको छ । सो अवसरमा रजत वर्ष स्मारिका विमोचन गरिएको थियो ।
फोनिजका संघीय उपाध्यक्ष कमन देवानको प्रमुख आतिथ्य तथा जिल्ला अध्यक्ष भूमिका फियाकको अध्यक्षतामा भएको कार्यक्रममा प्रेस काउन्सिलका सदस्य गणेश पोखरेल , पत्रकार महासंघका प्रदेश सदस्य अम्बिका भण्डारी, जिल्ला अध्यक्ष एकराज गिरीलगायतले शुभकामना मन्तव्य व्यक्त गर्नुभयो ।
