दमक/
दमकका महिला उद्यम गरौ पहिला भन्ने नारा दमक नगरपालिकाले बनाएको छ । यो नाराले दमकका रहेका बेरोजगार महिलाहरुलाई उद्यममा लाग्न अभिप्ररित गर्ने नारा हो । नगरले नारा मात्र बनाएको छैन । यसलाई मुर्त रुप दिनकालागि विभिन्न महिला लक्षीत विभिन्न सिपमुकलक कार्यक्रमहरु पनि बनाएको छ । शिर्षकगत बजेट नै छुट्याएर नगरले बनाएको कार्यक्रमबाट यहाँका महिलाहरुले लाभ लिइरहेका छन् । यहि नारा अन्तर्गत रहेर दमकको वडा नं ७ का महिलाहरुलाई अर्को नयाँ सिप सिकाउने कार्यक्रमको थालनी भएको छ ।
यहाँ फ्याकिएका र प्रयोगमा आइसकेका बोरा तथा प्लाष्टिकहरुको पूःन प्रयोगबाट घरायसी सामाग्रीका साथै झोला समेत बनाउन तालिम दिइने छ । १५ जना महिलाहरुलाई सहभागी गराएर दिइने तालिमको नगरकी उप -प्रमुख गीता अधिकारीले उद्धघाटन गर्नु भयो ।
दमक नगरपालिकाको आयोजना, वडा नं ७ को समन्वय र सृजनशिल महिला समुह दमक ७ को व्यवस्थापनमा सुरु भएको तालिम एक महिना सम्म चल्ने छ । तालिमको सहजीकरण सार्क बिजनेश एसोसिएसनकी पूर्वाञ्चल निर्देशक देवी तामाङले गर्नु हुने छ ।
यो तालिमबाट महिलाहरुको परनिर्भरता कम हुनुका साथै महिलाहरुलाई स्वरोगार बनाउन मद्यत पुग्ने कार्यक्रमकी प्रमुख अतिथी गीता अधिकारीले बताउनु भयो ।
कार्यक्रममा वडा नं ७ का वडाध्यक्ष भीम पौडेलले महिलारुलाई यस प्रकारको सिपयूक्त तालिमले आयआर्जन बढाउन मद्यत पुग्ने भन्दै तालिम लिइसकेपछि पूःन खाली नबस्न बरु सिकेको सिपलाई व्यवहारमा उतार्न कुनै समस्या भए वडा वा नगरमा सम्पर्क राखेर भएपनि सिपलाई प्रयोगमा ल्याउन अनुरोध गर्नु भयो ।
