भारतीय चलचित्रका चर्चित अभिनेता नाना पाटेकरको निधन ,शोकमा चलचित्र क्षेत्र

काठमाडौं ,२२ असोज। भारतीय चलचित्रका चर्चित अभिनेता नाना पाटेकरको निधनपछि उहाँका सहकलाकार तथा बलिउडका कलाकारहरूले दुःख व्यक्त गर्दै उहाँलाई असाधारण अभिनेता र प्रेरणादायी व्यक्तित्वका रूपमा स्मरण गरेका छन् ।

७५ वर्षीय पाटेकरको बिहीबार बिहान ५ः२० बजे मुम्बईस्थित आफ्नै निवासमा हृदयघातका कारण निधन भएको हो । मणिपाल अस्पतालका अन्कोलोजी विभाग प्रमुख डा। शेखर साल्करका अनुसार हृदयघातपछि उहाँलाई ४५ मिनेटसम्म सीपीआर दिइएको थियो । तर, उहाँलाई बचाउन सकिएन ।

पाटेकरसँग ‘ब्लफमास्टर’ र ‘हाउसफुल ५’मा काम गरेका अभिनेता रितेश देशमुखले उहाँको निधनको खबरले आफू शब्दविहीन भएको बताएका छन् । उहाँले पाटेकरलाई कुनै पनि किसिमको भूमिका निर्वाह गर्न सक्ने असाधारण अभिनेता भन्दै श्रद्धाञ्जली दिनु भएको छ ।

देशमुखले पाटेकरलाई पर्दामा मात्र नभई पर्दाबाहिर पनि ‘हिरो’का रूपमा स्मरण गर्नु भएको छ । उहाँका अनुसार पाटेकरले आफ्नो परोपकारी काममार्फत मानिसहरूको हितका लागि निरन्तर काम गर्नु भएको थियो ।

अभिनेता अक्षय कुमारले पनि पाटेकरको निधनप्रति दुःख व्यक्त गर्नु भएको छ । ‘वेलकम’ र ‘हाउसफुल ५’मा उनीसँग काम गरेका अक्षयले पाटेकरको अभिनयमा रहेको आवाज, तीव्रता र इमानदारीलाई स्मरण गर्दै उहाँजस्तो अभिनेता विरलै पाइने बताउनु भएको छ ।

अक्षयले पाटेकरसँग काम गर्दाका सम्झना आफूले सधैँ सुरक्षित राख्ने उल्लेख गर्नु भएको छ । उहाँले पाटेकरलाई ‘एक किसिमको’ अभिनेता भन्दै उहाँको निधनमा श्रद्धाञ्जली व्यक्त गर्नु भएको छ ।

अभिनेता आदिल हुसेनले पनि पाटेकरको निधनको खबरमा आफूलाई विश्वास गर्न कठिन भएको बताउनु भएको छ । उहाँले पाटेकरको अभिनयबाट आफू लगायत धेरै कलाकार प्रेरित भएको उल्लेख गर्दै उहाँको आत्माको शान्तिको कामना गर्नु भयो ।

पाटेकरले सन् १९७८ मा ‘गमन’बाट अभिनय यात्रा सुरु गर्नु भएको छ । ‘परिन्दा’, ‘प्रहार’, ‘अंगार’, ‘क्रान्तिवीर’, ‘तिरंगा’, ‘खामोशी’ र ‘अब तक छप्पन’ लगायतका चलचित्रमा उहाँको अभिनय चर्चित छ ।

गम्भीर भूमिकादेखि हास्य भूमिकासम्म प्रभावशाली अभिनय गरेका पाटेकर पछिल्लो समय पनि चलचित्रमा सक्रिय हुनुहुन्थ्यो । उहाँ अक्षय कुमार, अभिषेक बच्चन र रितेश देशमुखलगायतको अभिनय रहेको ‘हाउसफुल ५’मा देखिनु भएको थियो ।

पछिल्लो समय उहाँ विशाल भारद्वाजको ‘ओ’रोमियो’मा शाहिद कपुर र तृप्ति डिमरीसँगै प्रहरी अधिकारीको भूमिकामा देखिनु भएको थियो । अनिल कपुर र राधिका मदान अभिनीत ‘सुबेदार’मा पनि उहाँको विशेष भूमिका रहेको थियो ।

पाटेकरको निधनपछि सहकलाकारहरूले व्यक्त गरेका श्रद्धाञ्जलीमा उहाँको अभिनय क्षमता, व्यक्तिगत शैली र चलचित्र क्षेत्रमा पारेको प्रभावलाई विशेष रूपमा स्मरण गरिएको छ । देशमुखले उहाँको निधनलाई ‘वास्तवमै एउटा युगको अन्त्य’ भनेका छन् । एएनआई

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

करोडौँ ठगी आरोपमा फरार बराह सहकारीका अध्यक्ष लामिछाने पक्राउ

धरान,२ मंसिर । धरानको बराह बचत तथा ऋण सहकारी संस्थाका अध्यक्ष शिवकुमार लामिछाने (विश्वकर्मा)पक्राउ पर्नु भएको छ । बचतकर्ताको बचत हिनामिना गरेर लामो समयदेखि फरार

दमकमा चलिरहेको आदिवासी जनजाती महोत्सव कस्तो? के भन्छन हेर्न जाने दर्शक ?

दमक, २ मंसीर । रातको समय । मंसीर महिना लागीसक्यो । चिसो हावा चलीरहेको थियो । त्यसमाथी रतुवा नदिको किनार । चीसोको सिरेटो नचल्ने कुरै

जन्मदिनको अवसरमा मानव सेवा आश्रममा भोजन

दमक, मंसिर २ । जन्मदिनको अवसरमा हुने फजुल खर्च कटौती गर्दै दमकमा एक परिवारले मानव सेवा आश्रममा रहेका अशक्त तथा असहायलाई भोजन गराएको छ।दमक–६ निवासी

प्रधानमन्त्री शाह र भारतीय राजदूत दलेला बीच आसन्न भारत भ्रमणबारे छलफल

काठमाडौं,२ मंसिर। प्रधानमन्त्री बालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेटवार्ता गर्नु भएको छ।प्रधानमन्त्रीको आसन्न भारत

अध्यक्ष ओलीद्वारा सरकारको दमनविरुद्ध प्रतिरोधमा उत्रिन कार्यकर्तालाई निर्देशन

काठमाडौं ,२ मंसिर। नेकपा (एमाले)अध्यक्ष केपी शर्मा ओलीले सरकार एमालेप्रति निर्मम भएर उत्रिएकाले त्यसको प्रतिरोधका लागि तयार रहन अगुवा कार्यकर्ताहरुलाई निर्देशन दिनु भएको छ ।आज

एमाले विकासको नायक हो : केपी ओली

काठमाडौ २ कार्तिक । नेकपा एमालेका अध्यक्ष केपि शर्मा ओलीले नेकपा एमाले विकासको नायक रहेको बताउनु भएको छ । एमालेको राष्ट्रियभेलालाई सम्बोधन गर्दै उहाँले भन्नु

अस्ट्रेलियाको क्रिसमस टापुमा रातो गंगटाको वार्षिक बसाइँसराइ सुरु

क्रिस्मस् (आईल्याण्ड),२ मंसिर । अस्ट्रेलियाको क्रिसमस टापुमा लाखौँ रातो गंगटो (रेड क्र्याब) आफ्नो वार्षिक प्रजनन यात्राका लागि जंगलबाट समुद्रतर्फ निस्किएका छन् । वर्षायामको पहिलो वर्षासँगै