झापा, पुष १५ । पूर्वी नाका काँकडभिट्टामा अबैध रकमसहित एकजना भारतीय नागरिक पक्राउ परेको प्रहरीले जनाएको छ् ।
मङगलबार दिउँसो १ बजे मेची भन्सार कार्यालयको यात्रु शाखामा भन्सार कार्यालय र सशस्त्र प्रहरी बल नेपाल सीमा सुरक्षा गुल्म हे.क्वा. काँकडभिट्टाबाट खटिएको संयुक्त टोलीले भारतबाट नेपालतर्फ आउँदै गरेका पैदलयात्री भारत अरुणाञ्चल प्रदेश तवाङ्ग जिल्ला खासा पञ्चायत बस्ने ६२ वर्षीय लोम्साङ्ग फल्चोकलाई अवैध रकमसहित पक्राउ गरेको प्रहरीले जनाएको छ।
उनले बोकेको झोला चेकजाँच गर्दा झोलामा लुकाइ छिपाइ ल्याएको भारतीय रुपैयाँ १०० दरको ३८०० वटा, २०० दरको १ हजार वटा र ५०० दरको सय वटा गरी जम्मा भारतीय ६ लाख ३० हजार बरामद भएको थियो । उक्त भारतीय रुपैयाँसहित उनलाई नियन्त्रणमा लिई आवश्यक कारवाहीको लागि राजश्व अनुसन्धान कार्यालय इटहरी बुझाएको प्रहरीले बताएको छ ।
